ຕອນບ່າຍວັນທີ 2 ກໍລະກົດ 2025 ນີ້ ຢູ່ທີ່ຫ້ອງປະຊຸມພະແນກດັ່ງກ່າວ ໄດ້ຈັດກອງປະຊຸມປະກາດການຈັດຕັ້ງ ຫົວໜ້າ, ຮອງຫົວໜ້າຂະແໜງການ ພາຍໃຕ້ການເປັນປະທານຂອງທ່ານ ຄໍາເພັດ ພົມມະລາດ ກໍາມະການພັກແຂວງ ຫົວໜ້າພະແນກເຕັກໂນໂລຊີ ແລະ ການສື່ສານແຂວງໄຊຍະບູລີ, ມີຫົວໜ້າ, ຮອງຫົວໜ້າຂະແໜງການ, ຫົວໜ້າຫ້ອງການເຕັກໂນໂລຊີ ແລະ ການສື່ສານເມືອງ, ບໍລິສັດ ພ້ອມດ້ວຍພະນກງານ-ລັດຖະກອນ ພາຍໃນພະແນກເຂົ້າຮ່ວມ.

ໃນກອງປະຊຸມ ທ່ານ ຄໍາບູ່ ທອງວັນນາ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງໄດ້ຂຶ້ນຜ່ານຂໍ້ຕົກລົງເລກທີ 1081/ຈຂ.ຊຍ, ລົງວັນທີ 17 ມິຖຸນາ 2025 ວ່າດ້ວຍການແຕ່ງຕັ້ງຫົວໜ້າຂະແໜງເຕັກໂນໂລຊີ ແລະ ນະວັດຕະກໍາ ພະແນກເຕັກໂນໂລຊີ ແລະ ການສື່ສານແຂວງໄຊຍະບູລີ, ເຈົ້າແຂວງໄຊຍະບູລີ ຕົກລົງ ແຕ່ງຕັ້ງ ທ່ານ ບຸນປະເສີດ ທີແກ້ວ ຮອງຫົວໜ້າຂະແໜງເຕັກໂນໂລຊີ ແລະ ນະວັດຕະກໍາ ຂຶ້ນເປັນຫົວໜ້າຂະແໜງເຕັກໂນໂລຊີ ແລະ ນະວັດຕະກໍາ ພະແນກເຕັກໂນໂລຊີ ແລະ ການສື່ສານແຂວງໄຊຍະບູລີ, ຂໍ້ຕົກລົງ ເລກທີ 1082/ຈຂ.ຊຍ, ລົງວັນທີ 17 ມິຖຸນາ 2025 ວ່າດ້ວຍການແຕ່ງຕັ້ງຮອງຫົວໜ້າຂະແໜງເຕັກໂນໂລຊີ ແລະ ນະວັດຕະກໍາພະແນກເຕັກໂນໂລຊີ ແລະ ການສື່ສານແຂວງໄຊຍະບູລີ ເຈົ້າແຂວງ ຕົກລົງແຕ່ງຕັ້ງ ທ່ານ ພິດສະໝອນ ພິລາບຸນ ພະນັກງານວິຊາການ ຂຶ້ນເປັນຮອງຫົວໜ້າຂະແໜງເຕັກໂນໂລຊີ ແລະ ນະວັດຕະກໍາ ພະແນກເຕັກໂນໂລຊີ ແລະ ການສື່ສານແຂວງໄຊຍະບູລີ. ພ້ອມດຽວກັນນີ້ ຍັງໄດ້ມອບຄອມຈໍານວນໜຶ່ງໃຫ້ເມືອງຫົງສາ ແລະ ເມືອງປາກລາຍ ເພື່ອນໍາໃຊ້ເຂົ້າໃນວຽກງານ.