ກອງປະຊຸມໃຫຍ່ສະມາຊິກພັກຂອງໜ່ວຍພັກ ພະແນກເຕັກໂນໂລຊີ ແລະ ການສື່ສານແຂວງ ຄັ້ງທີ III ໄດ້ຈັດຂຶ້ນໃນວັນທີ 13 ທັນວາ 2024 ນີ້ ຢູ່ທີ່ຫ້ອງປະຊຸມພະແນກເຕັກໂນໂລຊີ ແລະ ການສື່ສານແຂວງ ເປັນກຽດເຂົ້າຮ່ວມຂອງສະຫາຍ ຄໍາເພັດ ພົມມະລາດ ກໍາມະການພັກແຂວງ ເລຂາຄະນະພັກຮາກຖານ ພະແນກເຕັກໂນໂລຊີ ແລະ ການສື່ສານແຂວງ, ສະຫາຍ ນິລັນດອນ ຈິດຕະກອນ ຮອງເລຂາຄະນະພັກຮາກຖານ ພະແນກເຕັກໂນໂລຊີ ແລະ ການສື່ສານແຂວງ, ສະຫາຍ ຄໍາບູ່ ທອງວັນນາ ເລຂາໜ່ວຍພັກ, ມີບັນດາແຂກທີ່ຖືກເຊີນ ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.

ສະຫາຍ ຄໍາບູ່ ທອງວັນນາ ເລຂາໜ່ວຍພັກ ຂຶ້ນກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານບົດລາຍງານການເມືອງທັງສອງພາກ ເຊິ່ງສະຫາຍໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ ໜ່ວຍພັກພະແນກເຕັກໂນໂລຊີ ແລະ ການສື່ສານແຂວງ ມີພາລະບົດບາດໃນການຜັນຂະຫຍາຍ ແຜນນະໂຍບາຍ, ມະຕິ, ຄໍາສັ່ງ ຂໍ້ກຳນົດ, ກົດລະບຽບພັກ ແລະ ລະບຽບກົດໝາຍ ໃຫ້ປະກົດຜົນເປັນຈິງເປັນແບບຢ່າງໃນການປະຕິບັດຕາມແນວທາງນະໂຍບາຍ, ກົດລະບຽບ ຂອງພັກ ແລະ ກົດໝາຍ ຂອງລັດ ໃນຂອບເຂດຄວາມ ຮັບຜິດຊອບຂອງຕົນ. ໜ່ວຍພັກ ພະແນກເຕັກໂນໂລຊີ ແລະ ການສື່ສານແຂວງ ປະກອບມີສະມາຊິກທັງໝົດ 24 ສະຫາຍ ຍິງ 9 ສະຫາຍ ມີພະນັກງານລັດຖະກອນທີ່ເປັນມະຫາຊົນ 5 ສະຫາຍ ຍິງ 1 ສະຫາຍ ຜ່ານການແບ່ງປະເພດສະມາຊິກພັກ, ຂະແໜງການ, ອົງການຈັດຕັ້ງມະຫາຊົນ ຕີລາຄາໜ່ວຍພັກຕາມ 5 ເນື້ອໃນ ໄລຍະ 5 ປີປະເພດສະມາຊິກພັກໄດ້ປະເພດແຂງ 24 ສະຫາຍ ຍິງ 10 ສະຫາຍ, ປະເພດຂະແໜງການໄດ້ປະເພດແຂງ, ປະເພດອົງການຈັດຕັ້ງມະຫາຊົນໄດ້ປະເພດແຂງ, ປະເພດໜ່ວຍພັກໄດ້ປະເພດປອດໃສ, ເຂັ້ມແຂງ, ໜັກແໜ້ນ. 

ຈາກນັ້ນ ຄະນະຊຸດເກົ່າໄດ້ຂຶ້ນຜ່ານບົດສໍາຫຼວດການນໍາພາລວມພ້ອມທັງກ່າວລາໜ້າທີ່, ປະທານໄດ້ຜ່ານເງື່ອນໄຂຄະນະຊຸດໃໝ່ ເຊິ່ງມີຜູ້ສະໜັກ 5 ສະຫາຍ ຍິງ 1 ສະຫາຍ ເລືອກເອົາ 3 ສະຫາຍ ກອງປະຊຸມຄັ້ງປະຖົມມະລຶກໄດ້ເປັນເອກະສັນກັນເລືອກເອົາ ສະຫາຍ ຄໍາບູ່ ທອງວັນນາ ເປັນເລຂາໜ່ວຍພັກ ພະແນກເຕັກໂນໂລຊີ ແລະ ການສື່ສານແຂວງ, ສະຫາຍ ນາງ ດວງໄພວອນ ສີບຸບຜາ ເປັນຮອງເລຂາໜ່ວຍພັກ ທັງເປັນປະທານກວດກາ, ສະຫາຍ ຊາຍ ລາໄພບູນ ເປັນຄະນະ ຈາກນັ້ນ ຄະນະຊຸດໃໝ່, ຕາງໜ້າຂະແໜງການ ແລະ ອົງການຈັດຕັ້ງ ກໍ່ໄດ້ພ້ອມກັນຂຶ້ນຈັບມືແຂ່ງຂັນໃນໄລຍະໃໝ່ຕື່ມອີກ.